Sportinfo.az xəbər verir ki, “Bavariya”nın və Fransa yığmasının futbolçusu Lukas Ernandes həbs olunmaqdan qurtulub.
Ernandes 2017-ci ildə “Atletiko”da oynayarkən sevgilisi Amelii de la Osa Lorenteyə fiziki təzyiq göstərdiyi üçün 31 saat ictimai işə cəlb olunmuşdu. Üstəlik, futbolçuya Lorenteyə 500 metrdən artıq yaxınlaşmaq qadağan edilmişdi.
Amma o, bu qadağanı pozub. Məhkəmə qərarından sonra cütlük barışıb və özlərinə toy da ediblər.
Buna baxmayaraq, futbolçunun Ameliiyə yaxınlaşmaq qadağası qüvvədə qalıb.
Bu yay isə cütlük birgə istirahətə yollanıb. Bunu nəzərə alan məhkəmə Ernandesi 6 ay müddətinə azadlıqdan məhrum edib. Futbolçu qərardan apellyasiya şikayəti vermişdi.
Məhkəmə onun şikayətini qismən təmin edib. 6 yalıq həbs qərarı 4 il müddətinə şərti cəza ilə əvəzlənib. Futbolçu 94 min avro cərimə də ödəyəcək.
