Polşa millisinin və "Legiya"nın sabiq futbolçusu Matsey Slivovski Varşava təmsilçisinin oyunçularını tənqid edib.
Sportinfo.az xəbər verir ki, veteran hücumçu yerli mətbuata açıqlamasında sabiq komandasının evdə "Lex"ə 0:1 hesabı ilə uduzduğu Ekstraklasanın XI tur matçında bir çox futbolçunun potensialından aşağı çıxış etdiyini bildirib.
O, Azərbaycan millisinin forvardı Mahir Emreli haqqında da mənfi fikirlər səsləndirib:
"Emreli tamamilə meydanda görünmədi. Onu Azərbaycan yığmasının baş məşqçisi Canni De Byazi də tənqid etmişdi".
"Lex"lə oyuna start heyətində başlayan Mahir Emreli 65-ci dəqiqədə Tomaş Pexartla əvəzlənib.