Konfrans Liqasının III təsnifat mərhələsinin cavab oyununda "Qarabağ"la qarşılaşacaq AEL Bakı səfəri öncəsi koronavirus testi verib.
Sportinfo.az-ın Kupr klubunun rəsmi saytına istinadən məlumatına görə, futbolçulardan birinin analiz nəticəsi müsbət çıxıb. İnfeksiya aşkarlanan oyunçunun adı açıqlanmayıb.
Limassol təmsilçisi Azərbaycan paytaxtına bu gün gələcək.
Avqustun 12-də Tofiq Bəhramov adına Respublika stadionunda keçiriləcək "Qarabağ" - AEL matçı saat 20:00-da başlayacaq. İlk qarşılaşmada qalib müəyyənləşməyib - 1:1.
