AFFA-nın icraçı vitse-prezidenti Elxan Məmmədovun "Neftçi-2"nin baş məşqçisi Mahmud Qurbanovla görüşməsi barədə xəbər vermişdik.
Gənc mütəxəssis Sportinfo.az-a açıqlamasında federasiya rəhbəri ilə bir araya gəlməsini təsdiqləyib:
"Bəli, görüşdüyümüz doğrudur. Elxan Məmmədovla söhbətimiz onun iş otağında baş tutub. Futbolla bağlı səmimi söhbətlər etdik. Başqa detalları açıqlaya bilmərəm".
"Başqa detallara millidə işləmək daxildirmi" sualını isə Mahmudov cavabsız qoyub: "Mən hazırda "Neftçi-2"nin baş məşqçisiyəm. Hələ ki, bütün fikirlərim ordadır. Milli haqqında danışmaq istəmirəm".