"Neftçi"nin hücumçuları Baqali Dabo və Stiven Monrozun Premyer Liqanın XIII turunda hazırda davam edən "Səbail"lə oyunda iştirak etməməsinin səbəbi məlum olub.
Klubun mətbuat xidmətinin rəhbəri Rüstəm Allahverdiyevin Sportinfo.az-a verdiyi məlumata görə, hər iki futbolçu zədəli olduğu üçün bugünkü görüşü buraxır:
"Dabo "Qəbələ" ilə oyundan öncə məşqdə zədələnmişdi. Onun oyunu buraxacağı dəqiq idi. Monrozun isə ayağında ağrıları olsa da, adı "Səbail"lə matçın 18-liyinə salınmışdı. Ancaq sonradan ağrıları artdığı üçün həkimlərin də məsləhəti ilə heyətdən çıxarıldı".