Qış-təlim məşq toplanışlarını Kiprdə davam etdirən "Ufa"da dünyada, xüsusən Çində daha çox yayılmış koronovirus qrip epidemiyası ilə bağlı təcili iclas keçirilib.
Sportinfo.az xəbər verir ki, Başqırdıstan klubunun rəhbərliyi Premyer Liqanın ikinci dövrəsinə hazırlaşan futbolçuları keçici virusdan qorumaq üçün maraqlı qadağa tətbiq etmək qərarı verib.
Bu barədə baş məşqçi Vadim Yevseyev məlumat verərək bildirib ki, komandada yayıla biləcək xəstəliyin qarşısını almaq üçün futbolçuların bir-biri ilə əllə salamlaşmaması qərara alınıb.
Məlumat üçün deyək ki, "Ufa"da 2 azərbaycanlı futbolçu çıxış edir. Onlardan Azər Əliyev əsas heyət futbolçusudursa, Turqay Möhbalıyev əsasən əvəzedici komandada oynayır-məşq edir.