Premyer Liqanın ilk 3 turunda məğlubiyyətlə üzləşən «Keşlə»nin bütün heyət üzvləri cərimələnib.
Sportinfo.az-ın məlumatına görə, bu qərar Sənan Qurbanova məxsusdur.
Baş məşqçinin göstərişi ilə köməkçilərinin, o cümlədən, futbolçular və texniki personalının maaşı kəsilib. Belə ki, avqust ayının əməkhaqqısından 10 faiz tutulub.
Hərçənd klub rəhbərliyi bu qərarın əleyhinə olub. Amma Qurbanov israr edərək, «komandada nizam-intizam yaratmaq üçün hamı cərimələnməlidir» deyib və istəyini həyata keçirib.