.jpg)
İtaliya millisinin baş məşqçisi Gennaro Qattuzo dünya çempionatının pley-off mərhələsinin həlledici oyunlarından əvvəl heyəti seçməkdə çətinlik çəkir və 33 yaşlı futbolçu Marko Verrattini geri qaytarmağı düşünür.
Sportinfo.az xarici KİV-ə istinadən xəbər verir ki, Qattuzo yarımmüdafiəçi ilə şəxsən danışıb və onların söhbəti müsbət olub.
Uzun müddətdir milli komandada oynamayan və hazırda Qətərin “Əl-Ərəbi” klubunda çıxış edən oyunçu geri dönməyə və komandaya kömək etməyə hazır olduğunu bildirib.
Verratti bu mövsüm 15 oyunda 1 qol vurub və 4 məhsuldar ötürmə edib.
İtaliya millisi 26 martda keçiriləcək pley-off yarımfinalında Şimali İrlandiya yığması ilə qarşılaşacaq. Bu matçın qalibi 31 martda – həlledici oyunda Uels, ya da Bosniya və Herseqovina ilə oynayacaq.
