.jpg)
“Yuventus”un müdafiəçisi Loyd Kelli karyerasını yenidən İngiltərədə davam etdirə bilər.
Turin klubu fevralda Kellini “Nyukasl”dan icarəyə götürmüşdü. İyulda isə onun 17,2 milyon avroya satınalma bəndi işə düşüb.
Bununla belə, Turin klubu müdafiəçini yalnız münasib təklif gəldiyi halda buraxmağa hazırdır.
Sportinfo.az xarici KİV-ə istinadən xəbər verir ki, 26 yaşlı futbolçu ilə “Sanderlend” və “Kristal Pelas” maraqlanır.
Ancaq Kelli hələlik “Yuventus”da qalmaq niyyətindədir.
İngiltərəli futbolçunun turinlilərlə müqaviləsinin müddəti 2029-cu ilə qədər nəzərdə tutulub.
