“Yuventus”un futbolçusu Federiko Kyeza İtaliya çempionatının cari mövsümündə komandasının hədəflərindən danışıb.
Sportinfo.az xəbər verir ki, 25 yaşlı futbolçu əsas hədəflərinin Çempionlar Liqasında iştirak etmək olduğunu bildirib:
“Bu mövsüm Çempionlar Liqasına qayıtmaq üçün ilk 4-lüyə düşmək istəyirik. İndi baş məşqçinin bizə aşıladığı müasir futbol göstərməyə çalışırıq”.
“Yuventus”un 6 turdan sonra 13 xalı var və turnir cədvəlində ikinci yerdədir.
