“Yuventus”un baş məşqçisi Massimiliano Alleqri klubun hazırkı durumu barədə danışıb.
Sportinfo.az xəbər verir ki, o, aşağı liqaya düşməmək üçün mübarizə apardıqlarını bildirib:
“15 xal hesabımızdan silindi. Aşağı liqaya düşməməliyik. Qəribədir ki, addım-addım irəliləmək üçün
ilk növbədə bunu diqqətdə saxlamalıyıq. Mövsüm hələ davam edir. Biz İtaliya kubokunun yarımfinalındayıq və Avropa Liqasında da uğur qazanmaq istəyirik”.
Fəaliyyətində yol verdiyi maliyyə pozuntularına görə “Yuventus”un A Seriyasında topladığı xalların 15-i silinib.
Nəticədə klub turnir cədvəlində 3-cü pillədən 13-cu sıraya enib.
