“İnter” Arturo Vidalla vidalaşmaq istəyir.
Sportinfo.az xəbər verir ki, Milan klubu çilili yarımmüdafiəçinin transferindən pul qazanmağı düşünmür.
“İnter”in hətta illik qazancı 7 milyon avro olan Vidalın hansısa kluba keçəcəyi halda, onun məvacibinin bir hissəsini ödəmək istədiyi də iddia olunur.
Bir sözlə, “neradzurra” 34 yaşlı futbolçudan qurtulmaq niyyətindədir.
Vidal “İnter”ə 2020-ci ildə “Barselona”dan transfer olunmuşdu və iki illik müqavilə imzalamışdı.
Çilili futbolçu “İnter”dən əvvəl “Yuventus”, “Bavariya”, “Barselona” kimi klublarda forma geyinib.