“Milan” türkiyəli yarımmüdafiəçisi Hakan Çalhanoğluna yeni müqavilə təklif edib.
Sportinfo.az xəbər verir ki, amma Hakan bu təklifi dərhal qəbul etməyib.
Tərəflər maliyyə məsələsində razılıq əldə edə bilmirlər.
“Milan” ona illik 4 milyon avro məvacib təklif edib. Ancaq Hakan 5,5 milyon tələb edir. Futbolçunun 5 milyon avroya razılaşacağı da güman olunur.
“Milan” rəhbərliyi yaxın günlərdə futbolçunun agenti ilə görüşüb məsələni müzakirə etməyi planlaşdırır. Hakan cari mövsümdə A seriyasında 19 oyun keçirib, 1 qol vurub, 8 qol ötürməsi edib.
Onun müqaviləsi 2021-ci ilin yayında başa çatır.