.jpg)
“Barselona”nın ulduzu Lionel Messi pandemiyanın yaratdığı problemlər barədə danışıb.
Sportinfo.az xəbər verir ki, argentinalı hücumçu koronavirusa görə xeyli insanın zəruri tələbatı ödəməkdə çətinlik çəkdiyini deyib.
O, cəmiyyətdə sosial bərabərsizliyin hökm sürdüyünü bildirib:
“Koronavirus pandemiyası zamanı insanların zəruri tələbatını ödəyəcək məsələlərə həssas yanaşmaq lazımdır. Onların su, qaz, elektrik təminatı dayandırılmamalıdır. O cümlədən, təhsil də nəzərə alınmalıdır. Təhsil gənclərin inkişafının təməlidir.
Bərabərsizlik cəmiyyətin ən böyük problemidir. Bunu mümkün qədər tez həll etmək lazımdır. Əgər reallıq barədə məlumatsızsansa, onda kiminsə fikri əhəmiyyətsiz görünür. Bu, sakitlikdəki səs-küyə bənzəyir”.
Messinin “Barselona”da illik məvacibi 31 milyon avrodur. Onun sponsor və reklamlar da nəzərə alınsa, illik gəliri 100 milyon avroya yaxındır.
