"Qarabağ"ın Avropa Liqasındakı rəqiblərindən "Vilyarreal" qrup mərhələsindəki matçlarda azarkeşlərin iştirak etməsini istəyir.
Sportinfo.az AS nəşrinə istinadən xəbər verir ki, klub rəhbərliyi məsləhətləşmələr apardıqdan sonra yerli hökumətinə müraciət ünvanlayıb.
UEFA-nın qərarına əsasən, avrokubok matçlarında stadionun tutumunun 30 faizinə qədər azarkeş buraxıla bilər. Lakin yerli orqanların icazəsi olmalıdır.
"Vilyarreal" hələ ki, bölgə rəhbərliyindən cavab gözləyir.
"Qarabağ" "Vilyarreal"la oktyabrın 29-da evdə, dekabrın 11-də isə İspaniyada üz-üzə gəlməlidir. Ağdam təmsilçisi ilk turda İsrail "Makkabi"sinin (Tel-Əviv) qonağı olacaq. İspaniya klubu isə Türkiyə "Sivasspor"unu qəbul edəcək.
"Sivasspor" da ev oyunlarında azarkeşlərin iştirakı üçün UEFA-ya və Türkiyə Futbol Federasiyasına müraciət edib.