“Atletiko”nun futbolçusu Nikola Kaliniç karyerasını İtaliyada davam etdirəcək.
Sportinfo.az xəbər verir ki, 32 yaşlı hücumçu “Verona”ya transfer olunub.
Bu haqda klubun saytı məlumat yayıb. A Seriya təmsilçisi xorvatiyalı oyunçu ilə 2 illik müqavilə imzalayıb.
N.Kaliniç “Atletiko”ya 2018-ci ildə “Fiorentina”dan transfer olunub. O, geridə qalan mövsümü icarə əsasında “Roma”da keçirib.
