“Elçe”nin yeni baş məşqçisi müəyyənləşib.
Sportinfo.az xəbər verir ki, yeni mövsümdən La Liqada mübarizə aparacaq komandanı bundan sonra Xorxe Almiron çalışdıracaq.
O, komandanı elitaya daşıyan Xose Roxo Martini əvəz edib. Bu barədə klubun mətbuat xidməti məlumat yayıb.
Almironun sonuncu iş yeri Səudiyyə Ərəbistanı təmsilçisi “Əl-Şabab” olub. 49 yaşlı argentinalı mütəxəssis daha öncə “San Lorenso”, “Atletiko Nasional”, “Lanus”, “İndependyente”, “Verakrus” və digər klublarda çalışıb.
