“Barselona”nın “Yuventus”dan transfer etdiyi yarımmüdafiəçisi Miralem Pyaniçdə koronavirus aşkarlanıb.
Sportinfo.az xəbər verir ki, bu barədə Kataloniya təmsilçisinin mətbuat xidməti məlumat yayıb.
Xəbərdə futbolçunun sağlıq durumunun yaxşı olduğu və evində karantinə alındığı diqqətə çatdırılıb. Bosniya və Herseqovina yığmasının üzvü ən azı 15 gün komandanın məşqlərinə qatılmayacaq.
"Barselona” 30 yaşlı futbolçunu 60 milyon avroya transfer edib.
