Antuan Qrizmanın atası Alen Qrizman “Barselona”nın baş məşqçisi Kike Setyeni kəskin tənqid edib.
Sportinfo.az xəbər verir ki, bir müddət əvvəl Setyen Qrizmanın az oynamasına münasibət bildirərkən belə demişdi:
“Ondan üzr istəməyə hazırlaşmıram. Amma başa düşürəm ki, o, özünün pis hiss edə bilər. Suaresi həmişə meydanda saxlamaq lazımdır, Leonu da. Belə olanda, Qrizmana meydanda yer tapmaq çox çətindir”.
Ata Qrizman Setyenə belə cavab verib: “Danışmaq üçün sizdə yük maşınını açarları olmalıdır. Siz, sadəcə, sərnişinsiz”.
