"Albasete" Azərbaycan millisinin futbolçusu Eddi İsrafilov üçün Apellyasiya Komitəsinə müraciət edib.
Sportinfo.az xəbər verir ki, klub 28 yaşlı yarımmüdafiəçinin Sequndanın XXXVI turunda "Rasinq"lə matçdakı sarı vərəqəsinin ləğv olunmasını istəyib, lakin müraciət rədd edilib.
Klub 90 avro məbləğində cərimələnib. Bundan əlavə, "Albasete"nin baş məşqçisi Lukas Alkaras və futbolçu Dani Oyeda sarı vərəqə aldıqları üçün klubu eyni məbləğdə ziyana salıblar.
"Albasete" səfərdə "Rasinq"i 2:1 hesabı ilə məğlub edib.