Argentina yığmasının hücumçusu Lionel Messi "Barselona"dakı karyerasında 250-ci məhsuldar ötürməsini edib.
Sportinfo.az xəbər verir ki, bu barədə ESPNFC özünün “Twitter”dəki səhifəsində bildirib.
Xatırladaq ki, "Barselona" İspaniya La Liqasının 31-ci turunun matçında "Atletik"ə 1:0 hesabı ilə qalib gəlib. Qarşılaşmada yeganə qolu 71-ci dəqiqədə Messinin ötürməsi ilə İvan Rakitiç vurub.
"Barselona" 68 xal toplayaraq "Real"ı 3 xalq qabaqlayaraq İspaniya La Liqasının yarış cədvəlində birinci yerə çıxıb. "Atletik" 42 xalla turnir cədvəlində 10-cu yerdə qərarlaşıb.
Cari mövsümdə Messi La Liqada 26 matçda iştirak edərək, 21 qol vurub, 15 məhsuldar ötürmə edib. Bu gün Messinin doğum günüdür. Futbolçunun 33 yaşı tamam olur.