"Real"ın yarımmüdafiəçisi Luka Modriç sabiq komanda yoldaşı Kriştianu Ronaldo haqda danışıb.
Sportinfo.az xəbər verir ki, xorvatiyalı "La Gazzetta dello Sport"a müsahibəsində portuqaliyalı futbolçu üçün darıxdıqlarını bildirib:
"Bu, bir az mənasız səslənsə də, yenə təkrarlayacam: Ronaldo tarixin ən yaxşı futbolçularından biridi.
"Real"da onun qolları və xarakteri üçün darıxırıq. Kriştianu həmişə qələbə qazanmaq istəyirdi. O, bizə motivasiya verirdi.
İnsan kimi ona 10-dan da artıq qiymət verərdim. Ronaldonun böyük ürəyi var. O, köməyə ehtiyacı olanlara həmişə yardım etməyə hazırdı".
