İspaniya La Liqasında XV turun oyunları davam edir.
Sportinfo.az xəbər verir ki, "Qarabağ"ın Avropa Liqasının qrup mərhələsindəki rəqibi "Sevilya" bu tur evdə "Leqanes"i qəbul edib. "Ramon Sançes Pisxuan"da keçirilən görüş meydan sahiblərinin minimal hesablı qələbəsi ilə başa çatıb. Yeganə qolu 63-cü dəqiqədə Dieqo Karlos vurub.
Bu qələbədən sonra xallarının sayını 30-a yüksəldən "Sevilya" ikinci pilləyə yüksəlib.
Qeyd edək ki, La Liqa təmsilçisi 3 gün öncə doğma meydanda "Qarabağ"ı 2:0 hesabı ilə məğlub etmişdi.
