“Real” yarımmüdafiəçi Eduardo Kamavinqa üçün “Qalatasaray”dan gələn təklifi rədd edib.
Sportinfo.az xarici KİV-ə istinadən xəbər verir ki, Türkiyə klubu fransalı futbolçu üçün 35 milyon avro təklif edib.
Lakin “Real” bu məbləği kifayət hesab etməyib. Kamavinqanın komandada qalacağı gözlənilir.
23 yaşlı yarımmüdafiəçi bu mövsüm La Liqada keçirilən hər üç oyunda meydana çıxıb, lakin fərqlənməyib.
Onun Madrid klubu ilə hazırkı müqaviləsinin müddəti 2029-cu ilə qədərdir. “Transfermarkt” oyunçunun bazar dəyərini 50 milyon avro olaraq qiymətləndirir.
