“Barselona”nın və İspaniya millisinin sabiq futbolçusu Xavi Hernandes Lamin Yamal barədə yüksək fikirlər səsləndirib.
Bu yaxınlarda 19 yaşı tamam olacaq futbolçu DÇ-2026-nın finalında Argentina ilə qarşılaşacaq İspaniya millisinin əsas ümidlərindən hesab olunur.
Sportinfo.az xarici KİV-ə istinadən xəbər verir ki, Xavi, Yamalın qeyri-adi istedada sahib olduğunu bildirib:
“Yamal dahidir. Ola bilsin ki, İspaniyada indiyədək onun kimi futbolçu olmayıb.
Biz onu 15 yaşında kəşf etdik. Hələ o vaxtdan xüsusi istedada malik olduğu görünürdü.
Oyunu mükəmməl anlayır, həmişə düzgün qərarlar verir. O, əla futbolçudur, əsl nemətdir.
Dünyanın ən yaxşısına çevrilmək üçün onda hər şey var”.
DÇ-2026-nın Argentina – İspaniya final matçı sabah, saat 23:00-da keçiriləcək.
Yamal 2025-ci ildə “qızıl top” mükafatına səsvermədə ikinci yeri tutmuş və Osman Dembeledən (PSJ) geri qalmışdı.
