“Atletiko” komandanın kapitanı Koke ilə müqavilənin müddətini uzadıb.
Sportinfo.az Madrid təmsilçisinin yaydığı məlumata istinadən xəbər verir ki, 34 yaşlı yarımmüdafiəçi ilə yeni anlaşmanın müddəti 2027-ci ilin iyununa qədər nəzərdə tutulub.
“Atletiko”nun yetirməsi olan Koke əsas komandada debütünü 2009-cu ilin sentyabrında edib.
O vaxtdan bəri klubun heyətində bütün turnirlər daxil olmaqla 740 oyuna çıxan yarımmüdafiəçi, komandanın tarixində ən çox oyun keçirən futbolçulardan biridir.
Koke ötən mövsüm La Liqada keçirdiyi 34 matçda 2 qol vurub və eyni sayda məhsuldar ötürmə verib.
