“Real”ın sağ cinah müdafiəçisi və kapitanı Daniel Karvahal Madrid klubu ilə mümkün yeni müqavilə ilə bağlı sualı cavablandırıb.
Sportinfo.az xarici KİV-ə istinadən xəbər verir ki, o, bunu söyləyib:
“Zədədən bu yaxınlarda sağaldım. Sadəcə, məşq etmək və oyundan zövq almaq lazımdır.
Klub məni tamamilə dəstəkləyir. Meydanda hansı səviyyəni göstərə biləcəyimi görmək üçün oynamalıyam.
Eyni səviyyədə olduğum müddətdə heç bir problem olmayacaq”.
34 yaşlı futbolçu 2013-cü ildən “Real”da çıxış edir. Müdafiəçinin Madrid klubu ilə müqaviləsinin müddəti bu ilin yayına qədərdir.
