İspaniya Super Kubokunun yarımfinalında “Barselona” “Atletik Bilbao” üzərində inamlı qələbə qazanaraq adını finala yazdırıb.
Sportinfo.az xəbər verir ki, Səudiyyə Ərəbistanının Ciddə şəhərindəki “Kral Abdullah Sports City” stadionunda keçirilən qarşılaşma kataloniyalıların 5:0 hesablı darmadağını ilə başa çatıb.
Hansi Flikkin yetirmələri hələ ilk hissədə rəqib qapısına 4 top vuraraq matçın taleyini həll ediblər.
Qolları Ferran Torres (22-ci dəq.), Fermin Lopes (30-cu dəq.), Runi Bardqji (34-cü dəq.) və Rafinya (38, 52-ci dəq.) vurublar. Rafinya dubl etməklə görüşün ən yaxşılarından biri olub.
“Barselona” turnirin finalında yanvarın 11-də “Real Madrid” - “Atletiko Madrid” cütünün qalibi ilə qarşılaşacaq.
