“Real”ın çalışdırıcısı Xabi Alonsonu əvəz edə biləcək əsas namizədin adı bəlli olub.
Sportinfo/az xəbər verir ki, klub daxilində ən real alternativ kimi “Real Madrid”in gənclər komandasının baş məşqçisi Alvaro Arbeloanın adı ön plana çıxır.
Mənbənin bildirdiyinə görə, Alonsonun gələcəyi hələ də sual altındadır. Hazırda “Real” La Liqada turnir cədvəlində 42 xalla ikinci pillədə qərarlaşıb.
Komanda lider “Barselona”dan 4 xal geri qalır.
İspaniya Superkubokunun yarımfinalında “Real” “Atletiko” ilə üz-üzə gələcək. Qarşılaşma yanvarın 8-də keçiriləcək.
