“Barselona”nın hücumçusu Robert Levandovski İngiltərə Premyer Liqasına keçə bilər.
Sportinfo.az xəbər verir ki, bu barədə “Daily Star” məlumat yayıb.
37 yaşlı futbolçu ilə “Mançester Yunayted”in baş məşqçisi Ruben Amorim maraqlanır. Bildirilir ki, Levandovski artıq “qırmızı şeytanlar”a keçməyə razılıq verib.
“Barselona” polşalı forvardın müqaviləsinin müddətini uzatmağı planlaşdırmır. Onun Kataloniya klubu ilə anlaşması gələn yay başa çatacaq.
Levandovski “Barselona”da 2022-ci ildən çıxış edir. O, cari mövsümdə bütün turnirlər üzrə 9 oyunda meydana çıxaraq, 4 qol vurub.
