.jpg)
“Mançester Yunayted”in vingeri Markus Reşford karyerasını “Barselona”da davam etdirə bilər.
Sportinfo.az COPE-yə istinadən xəbər verir ki, tərəflər ingiltərəli futbolçunun 2026-cı ilin iyununa qədər icarəyə verilməsi ilə bağlı razılığa gəliblər.
Müqavilə müddəti bitdikdən sonra Kataloniya klubu onu birdəfəlik transfer etmək hüququna malik olacaq. “Barselona” bu hüquqdan istifadə etməsə, “Mançester Yunayted”ə təxminən 5 milyon avro kompensasiya ödəməli olacaq.
Reşford bu keçid üçün maaşında 30 faiz endirimə razılaşıb. Bununla belə, onun illik gəliri təxminən 14 milyon avro təşkil edəcək.
Alqı-satqı hüququnun aktivləşdirilməsi halında transfer məbləği 30-35 milyon avro civarında olacaq.
27 yaşlı oyunçu “Mançester Yunayted”in yetirməsidir və son mövsümün ikinci yarısını “Aston Villa”da icarədə keçirib. Onun Mançester klubu ilə müqaviləsinin müddəti 2028-ci ilin yayına qədərdir.
