“İnter Mayami”nin hücumçusu Lionel Messi 2024-cü ildə “Kamp Nou”da vida matçı üçün keçmiş klubu “Barselona”ya qayıdacaq.
Sportinfo.az xəbər verir ki, Kataloniya klubunun rəsmiləri 29 noyabr 2024-cü ildə Messinin şərəfinə bir matç planlaşdırır ki, bu da klubun 125 illiyi ilə üst-üstə düşəcək.
Futbolçu klubun əfsanələr komandasının heyətində dünya komandasına qarşı oynaya bilər.
Messi 2021-ci ilin yayında “Barselona”dan ayrılıb və PSJ-yə keçidi gözlənilməz olduğu üçün azarkeşlərlə vidalaşmağa vaxt tapmayıb.
