İspaniyanın məşhur klubu yeni baş məşqçi gətirdi – 3 aylıq

21 Mart 2023 22:00 İspaniya 332
İspaniyanın məşhur klubu yeni baş məşqçi gətirdi – 3 aylıq

“Sevilya” istefaya göndərdiyi Xorxe Sampaolini Xose Luis Mendilibarla əvəz edib.

Sportinfo.az xəbər verir ki, bu barədə La Liqa təmsilçisinin rəsmi saytı məlumat yayıb.

İspaniyadan olan 62 yaşlı mütəxəssislə müqavilə bu mövsümün sonuna kimi nəzərdə tutulub.

Mendilibar son olaraq İspaniyanin “Alaves” komandasının baş məşqçisi olub. O, 2022-ci ilin aprelindən bəri işsiz idi.

Təcrübəli mütəxəssis daha öncə “Eybar”, “Levante”, “Osasuna”, “Valyadolid”, “Atletik” kimi komandalara rəhbərlik edib.

“Sevilya”ya 2022-ci ilin oktyabrından Sampaoli rəhbərlik edirdi. Komanda argentinalı məşçqinin rəhbərliyi altında bütövlükdə 31 oyun keçirib, 13 qələbə, 6 heç-heçə və 12 məğlubiyyətə imza atıb.

“Sevilya” La Liqada keçirdiyi 26 oyundan sonra 28 xalla turnir cədvəlinin 14-cü pilləsində qərarlaşıb.

Digər Xəbərlər
Xəbər Lenti