.jpg)
“Yuventus”un sabiq baş məşqçisi Andrea Pirlo karyerasını “Barselona”da davam etdirə bilər.
Sportinfo.az xəbər verir ki, “Barselona”nın uğursuz çıxış etməsi Kumanın istefaya göndəriləcəyi ilə bağlı xəbərləri gündəmə gətirib.
Məlumata görə, rəhbərlik Kumanı əvəz edəcək mütəxəssislərin siyahısını da müəyyənləşdirib.
Onların arasında Andrea Pirlo da var. Ondan başqa, namizədlər arasında Antonio Konte ilə Xavinin də adı hallanır. Bildirilir ki, “Barselona”nın prezidenti Xuan Laporta məhz Pirloya üstünlük verir.
Pirlo “Yuve”dən bu ilin mayında ayrılıb. Turin nəhəngi son 10 ildə ilk dəfə olaraq İtaliya çempionu ola bilməyib.
