“Barselona”nın prezidenti Joan Laportanın müşaviri Enrik Masip baş məşqçi Ronald Kumanın fikirlərinə münasibət bildirib.
Sportinfo.az xəbər verir ki, Kuman “Barsa”nın gələcəyinin özünün sayəsində mümkün olacağını bildirmişdi.
Müşavirin cavabı belə olub: “Əgər klubun gələcəyi varsa, bu, idarəetmə sistemini dəyişən rəhbər şəxslərin, o cümlədən, prezidentin sayəsində olacaq.
Bu klubun sonu çata bilərdi. İnanın, bu, adi ifadələr deyil, həqiqətdir. Məvacibləri ödəmək üçün “Barsa”nın qəpiyi də yox idi.
Ona görə də belə çətin vəziyyətdə idarəçiliyi öz üzərinə götürən cəsarətli insanlara sağ ol demək lazımdır”.