"Azərbaycanda da isti idi, lakin bu, bizə təsir etməyəcək".
Sportinfo.az xəbər verir ki, bunu Polşa "Rakuv"unun baş məşqçisi David Şvarqa Kiprdə "Aris"ə qarşı keçirəcəkləri Çempionlar Liqasının III təsnifat mərhələsinin cavab oyunundan əvvəl mətbuat konfransında deyib.
Gənc mütəxəssis Limassolda havanın çox isti olduğunu bildirib:
"Bu, bizi qorxutmur. Çünki oyunçuların fiziki durumu yaxşıdır. Rəqibin keyfiyyətli heyətə malik olduğunu bilirik.
"Aris"də yaxşı futbolçular var. Amma bəyəndiklərimin adlarını çəkmək istəmirəm".
Polşa çempionu II təsnifat mərhələsində "Qarabağ"ı iki oyunun nəticəsinə əsasən (3:2, 1:1) üstələyib.
