Afrikanın ən varlı adamı "Arsenal"ı almaq istəyir

14 Yanvar 18:28 İngiltərə 484
Afrikanın ən varlı adamı "Arsenal"ı almaq istəyir

Afrikalı iş adamı Aliko Danqote "Arsenal"ın səhmlərini satın ala bilər. Sportinfo.az xəbər verir ki, bu barədə "qara qitə"nin ən varlı adamı özü deyib. Ancaq o, bu arzusunu 2021-ci ildə həyata keçirmək istədiyini bildirib:

"Bu, mənim nə vaxtsa almaq istədiyim klubdur. Amma onu da vurğulayım ki, layihələrimizin dəyəri 20 milyard dollardır. Hazırda bütün diqqətimi buna yönəltmişəm. Tikinti işlərini yekunlaşdırmağa çalışıram. Bundan sonra isə hardasa 2021-ci ildə "Arsenal"a keçə bilərik. İndi isə şirkətimi növbəti səviyyəyə yüksəltmək istəyirəm".

62 yaşlı milyonçu Qərbi Afrikanın ən böyük şirkəti olan "Dangote Group"un yaradıcısıdır. Şirkət sement, şəkər, düyü, un və balıq da daxil olmaqla, bir sıra istehlak malları istehsal edir. Şirkətin dəyəri 11 milyard dollardır.

"Arsenal"ın səhmlərinin böyük hissəsi amerikalı iş adamı Sten Kronkeyə məxsusdur.

Xəbər Lenti