“Mançester Yunayted”in və İngiltərə millisinin sabiq yarımmüdafiəçisi Pol Skoulz “Arsenal”ın Premyer Liqadakı çıxışını şərh edib.
Sportinfo.az xarici KİV-ə istinadən xəbər verir ki, o, bu mövsüm “topçular”ın elit komandalar qarşısında qələbə qazana bilmədiyini bildirib:
“Arsenal” hələ Premyer Liqada heç bir vacib matçı qazanmayıb. London klubu “Mançester Siti” və “Liverpul”u məğlub edə bilməyib.
Mən onların çempionluğuna inanmıram, ta ki, top-klubları məğlub etməyə başlamayana qədər.
Amma “şəhərlilər” və “qırmızılar” xal itirməyə davam edərsə, Mikel Artetanın komandası üçün buna ehtiyac qalmaya bilər”.
“Arsenal” hazırda Premyer Liqada turnir cədvəlinin zirvəsində qərarlaşıb.
