“Nyukasl”ın baş məşqçisi Eddi Hou cari mövsümün sonunda klubdan ayrıla bilər.
Sportinfo.az xəbər verir ki, bu barədə “Indykaila News” məlumat yayıb.
İngiltərəli mütəxəssisin mövqeyi komandanın bu mövsüm göstərdiyi qeyri-sabit nəticələr səbəbindən risk altındadır.
“Sağsağanlar” hazırda Premyer Liqanın turnir cədvəlində 21 turdan sonra 32 xalla 6-cı pillədə qərarlaşıb.
Klub rəhbərliyi mövsüm bitənə qədər heç bir dəyişiklik etməyi planlaşdırmır, ancaq yayda baş məşqçinin fəaliyyətinin tam təhlilini həyata keçirəcək.
Qərar müsbət olmazsa, Hou postundan uzaqlaşdırıla bilər. O, “Nyukasl”ı 2021-ci ildən çalışdırır.
