“Selta”nın sağ cinah müdafiəçisi Oskar Minqeza karyerasını İngiltərədə davam etdirə bilər.
Sportinfo.az xarici KİV-ə istinadən xəbər verir ki, “Qarabağ”ın Çempionlar Liqasında rəqiblərindən olan “Liverpul” 26 yaşlı futbolçuyla müqavilə imzalamaqda maraqlıdır.
Eyni zamanda, “Nyukasl” və “Brayton” da ispaniyalı oyunçuya iddialılar arasındadır.
Minqeza bu mövsüm “Selta”nın heyətində bütün yarışlarda 20 oyunda 1 qol vurub və 3 məhsuldar ötürmə edib.
