.jpg)
Ceydon Sanço icarə müddəti başa çatdıqdan sonra "Mançester Yunayted"ə qayıdır.
Sportinfo.az xəbər verir ki, bu barədə "Çelsi" rəsmi açıqlama verib.
Sanço komandaya 31 avqust 2024-cü ildə qoşulmuşdu və ötən mövsüm klubun heyətində ümumilikdə 41 oyun keçirib.
"Çelsi"dəki çıxışı zamanı vinger 5 qol vurub, sonuncu qolu isə Konfrans Liqasının finalında "Betis"ə qarşı oyunda (4:1) qeydə alıb.
"Zadəganlar" ötən mövsüm icarə əsasında oynayan futbolçunun təxmini 25 milyon funt-sterlinq dəyərində olan məcburi satınalma şərtindən imtina etdiyinə görə 5 milyon funt cərimə ödəyib.
