“Mançester Yunayted” İsveç millisinin və Lissabon “Sportinq”inin hücumçusu Viktor Qyokereşi transfer etməkdə maraqlıdır.
Sportinfo.az xəbər verir ki, bu barədə “Sky Sports” nəşri məlumat yayıb.
Tərəflər danışıqları vasitəçilərin yardımı ilə aparır. Qyokereşin “qırmızı şeytanlar”ın hücum xəttində danimarkalı forvard Rasmus Hoylundu əvəzləyəcəyi gözlənilir. Hoylund son mövsümdə aşağı məhsuldarlığı ilə yadda qalıb.
27 yaşlı Qyokereş 2024/25 mövsümündə 51 oyuna çıxaraq 53 qol və 13 məhsuldar ötürmə ilə yadda qalıb. Onun Lissabon təmsilçisi ilə müqaviləsinin müddəti 2028-ci ilə qədərdir.
