Britaniyalı milyarder Cim Ratkliff rəsmən “Mançester Yunayted”in sahibi olub.
Sportinfo.az xəbər verir ki, o, İngiltərə təmsilçisinin A kateqoriyalı səhmlərinin 27,7 faizini və B kateqoriyalı səhmlərinin 27,7 faizini alıb.
Müqavilənin bütün şərtləri yerinə yetirilib. İngiltərə Futbol Federasiyası və Premyer Liqadan da razılıq alınıb.
Cim Ratkliff A və B siniflərinin əlavə səhmlərini almaq üçün kluba 200 milyon dollar sərmayə qoyub.
31 dekabr 2024-cü ilə qədər daha 100 milyon dollar sərmayə qoyulacaq. Bu vəsait “Old Trafford”da yenilənmə işlərinin görülməsi üçün nəzərdə tutulub.
