Roberto Firmino yayda "Liverpul"u tərk edəcək.
Sportinfo.az xəbər verir ki, "Liverpul"un hücumçusu müqaviləsini yeniləməyəcək və bu yay azad agent kimi komandadan ayrılacaq.
Braziliyalı futbolçu artıq bu qərarı ilə bağlı mersisaydlıların baş məşqçisi Yurgen Kloppa məlumatlandırıb.
31 yaşlı forvardın “Liverpul”la müqaviləsi 2023-cü il iyunun 30-da başa çatacaq.
O, 2015-ci ildə “Hoffenhaym”dan İngiltərə klubuna keçmişdi. Buna qədər isə forvard “Fiqeyrense” və “Tombense”də oynamışdı.
