Argentinalı məşqçi Marselo Qalyardo “Lids”ə rəhbərlik etməkdən imtina edib.
Sportinfo.az xəbər verir ki, 47 yaşlı mütəxəssis bu qərarını mövsümün gedişində komandaya qoşulmağa hazır olmaması və futbolçuları sistemli şəkildə hazırlamağa vaxtı olmadığı üçün müsbət nəticəyə zəmanət verməməsi ilə əsaslandırıb.
İngiltərə klubu yeni baş məşqçi axtarışlarını davam etdirir və digər namizədləri nəzərdən keçirəcək.
Fevralın 6-da klub rəhbərliyi baş məşqçi Cessi Marşı istefaya göndərib.
“Lids” Premyer Liqada 21 matçdan sonra 19 xalla 17-ci yerdədir.
