"Lester" tarixində ilk dəfə İngiltərə Kubokunu qazanıb.
Sportinfo.az xəbər verir ki, "tülkülər" Londondakı "Uembli" stadionunda 21 000 tamaşaçının iştirakı ilə keçirilmiş final oyununda "Çelsi"yə minimal hesabla qalib gəlib - 1:0.
Yeganə qolu 63-cü dəqiqədə Yuri Tilemans vurub. Ben Çiluell görüşün sonlarında bərabərlik qolunu vursa da, VAR-a müraciət edildikdən sonra top hesaba alınmayıb.
Beləliklə, "Lester" İngiltərə Kubokunu əldə edən 44-cü komanda olub. Əvvəlki 4 finalda "tülkülər" məğlubiyyətlə üzləşiblər.