“Fulhem”in hücumçusu Aleksandar Mitroviç koronavirusa yoluxub.
Sportinfo.az xəbər verir ki, bu barədə Premyer Liqa təmsilçisinin mətbuat xidməti məlumat yayıb.
26 yaşlı hücumçunun koronavirus testi müsbət çıxdığı üçün 24-cü turun “Everton”la səfər matçını (2:0) buraxmalı olub.
Mitroviç hazırda karantinə alınıb və o növbəti iki oyunda da iştirak edə bilməyəcək. Serbiyalı hücumçu bu mövsüm Premyer Liqada 18 oyunda 2 qol vurub.