Azərbaycanın Qazaxıstandakı səfirliyi güləş üzrə dünya çempionatında finala yüksələn Eldəniz Əzizli və Sənan Süleymanova dəstəyini ifadə edib.
Sportinfo.az xəbər verir ki, diplomatik nümayəndəlik bununla bağlı “X” sosial şəbəkəsində paylaşım edib.
“Güləşçilərimiz Eldəniz Əzizli və Sənan Süleymanov hazırda Qazaxıstanda keçirilən Dünya Güləş Çempionatında parlaq qələbələr qazanaraq finalda yerlərini təmin ediblər!” - deyə paylaşımda qeyd olunub.
Səfirlik hər iki idmançımıza həlledici qarşılaşmalarda uğurlar arzulayıb.
