İngiltərə Premyer Liqasının 22-ci turu çərçivəsində “Brayton”a 0:1 hesabı ilə məğlub olan “Liverpul”un futbolçusu Endi Robertson açıqlama verib.
Sportinfo.az xəbər verir ki, Robertson “qırmızılar”ın böyük məyusluq yaşadığını bildirib:
“Meydanda daha yaxşı olan komanda qalib gəldi. “Brayton” bütün göstəricilərdə daha yaxşı idi. Bizə böyük təzyiq göstərib, şans yaratdılar və qalib gəldilər.
Doğma meydanda keçirdiyimiz son oyunlarda böyük məyusluq yaşadıq. Çempionluqdan çox uzağıq. Qalib gəlməyin yolunu tapa bilmirik”.
