Azərbaycan Futzal Federasiyası millinin baş məşqçisi Joze Alesio Da Silvaya sonuncu dəfə şans verib.
Komanda dünya çempionatının final mərhələsinə vəsiqə qazanmasa, onunla müqavilə uzadılmayacaq.
Əsas seçmə mərhələnin VI qrupunda yer alan yığmamız ilk 2 turda Polşaya 4:3, Yunanıstana 7:0 hesabıyla qalib gəlib.
Federasiyanın braziliyalı mütəxəssisdən narazılığının kökündə, əslində, milli dayanmır. Məsələ ondadır ki, Alesionun sükanı arxasında dayandığı "Araz-Naxçıvan" Çempionlar Liqasının əsas mərhələsində biabırçı nəticələr əldə edib.
V qrupunda mübarizə aparan ölkə çempionu"Erebru"ya (İsveç) 2:5, "Loznika Qrad"a (Serbiya) 1:4 və “Mostar”a (Bosniya və Herseqovina) 2:3 hesabıyla uduzub.
Cənubi amerikalı həm millidə, həm də klubda işlədiyindən, qurumun rəhbərliyi onunla bağlı yekun qərarı ümumi nəticələrə əsasən vermək niyyətindədir. Bu, onunla son görüşdə Alesionun diqqətinə çatdırılıb.
SPORTİNFO.AZ
